Документи жок үй сатып алгам. Ээсинен өзүмө кантип өткөрүп алам?
Саламатсызбы! Эки жыл мурун айылдан үй сатып алгам. Эч кандай документи жок болчу. Үйдүн ээси үйүн сатканы, акчасын толук алганы жана эч кандай доосу жок экени тууралуу тил кат жазып берген. Азыр болсо үстүнө акча кошуп бер, мен арзан сатыптырмын деп жатат. Маселени кантип чечсем болот?
Нурислам Раимжанов
"Справедливость" укук коргоо уюмунун юристи
Саламатсызбы!
Сатып алуунун фактысын аныктоо максатында сотко доо арыз менен кайрылышыңыз керек. Үйдү саткан адамды жоопкер катыр көрсөтүп, үйдү өткөрүп бербей жатканын жызып, сатып алуу фактысын аныктап берүүсүн суранып доо арыз жазасыз. Арызга үйдү сатып алган убакытты белгилеп, тил катты, күбөлөрдү камтыңыз.
Жоопкер сотко чакырылып, эмне үчүн өткөрүп бербей жатканын тактап, чечимди сот чыгарып берет.