Атам эркек баласы жок болгону үчүн, үйүбүздү инисине берем дей берет
Саламатсызбы! Эки бир тууган кызбыз. Атам менен апам эркек баланын жоктугунан көп урушат. Биз өзүнчө турмуш куруп кеткенбиз. Үйүбүз атамдын наамында, бирдеме болсо эле үйдү инисинин балдарына берем деп айтат. Үйдү апам экөө алган, болгону документ боюнча атама катталган. Ошондо апамда дагы үлүш болобу?
Нурислам Раимжанов
"Справедливость" укук коргоо уюмунун юристи
Саламатсызбы! Үй турмуш кургандан кийин жубайлардын ортосундагы алынган жалпы мүлк болсо, күйөөсү өзүнүн атына жазылганына карабастан аялынын уруксаты жок, башка бирөөгө сатып же өткөрүп бере албайт. Анткени бул жалпы мүлк, аялынын дагы ага акысы бар. Ошондуктан, бул жерде атаңыз өз алдынча чечип, башка бирөөгө өткөрүп бере алат деген маселе жок. Апаңыздын макулдугу керек.