Күйөөм кызымдын фамилиясын өзгөртүп койсо, аны алалбай каламбы?

2020.03.17, 10:39
297

Саламатсызбы! Жолдошум менен ажырашканбыз. Ортодо бир кызыбыз, күйөөм аны бербей жатат. Бирок ЗАГС менен кызымдын күбөлүктөрү менде. Азыр Москвадамын, жакында барам. Эми күйөөм кызымдын фамилиясын кайын атамдыкына жаздырат экен. Бул үчүн ЗАГСта иштеген эже 1000 сом сураптыр. Эгер кызымдын фамилиясын өзгөртүп коюшса, аны алалбай каламбы?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
17.03.2020, 10:45

Нурислам Раимжанов

"Справедливость" укук коргоо уюмунун юристи

Урматтуу окурман! Кыргыз Республикасынын «Жарандык абалдын актылары жөнүндө» мыйзамдын 60-беренесинин негизинде “Баланын ата-энеси тарабынан жарандык абалдын актыларын жазуу органына баланын атын, фамилиясын жана атасынын атын өзгөртүү жөнүндө биргелешкен арыз берилет” деп көрсөтүлгөн.

Демек, балаңыздын фамилиясын кайын атаңызга жаздыруу үчүн макулдук бергениңиз туралуу арызыңыз керек болот. Эгер арызыңыз жок өзгөртүлгөн болсо, бул кылмыш болуп эсептелинет жана өзгөрткөн кызматкер кылмыш жоопкерчилигине тартылат.

Бул боюнча прокуратурага арыз жазыңыз. Кызыңызды алуу маселеси боюнча биринчи кезекте жолдошуңуз менен сүйлөшүп көрүңүз, сүйлөшүү эч кандай жыйынтык бербесе, сотко кайрылыңыз.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт