Балам 2 жашта, сийдигин чогултпайт, бат-баттан сие берет. Бул туура көрүнүшпү?
Балам 2 жашта, суусундукту көп ичет. Ичээри менен бир-эки мүнөттө сие баштайт. Сийдигин чогултпай эле бат-баттан заара кыла берет. Ушул туура көрүнүшпү же көйгөйбү?
Нуржамал Жаанбаева
Педиатр
Баланы көрбөй туруп, бир нерсе деп айтуу оор. Эки жаштагы бала абдан активдүү болуп, тынымсыз кыймылдап турат. Балким, үйдүн ичи өтө ысык, бала тердеп, ошол эле учурда суусап жатса керек. Эгер күнүнө болжол менен бир литр суу ичсе бул норма болуп эсептелинет. Баланын жалпы абалы, активдүүлүгү нормалдуу болсо, анда кам саноонун зарылчылыгы жок.
Бирок сизди бир нерсе кооптондуруп жатса, мисалы баланын көздөрү эртең менен шишип калса, анда педиатрга көрүнүп, бөйрөктөрүнүн функциясын текшертип койгула.
Башкы беттеги сүрөт интернеттен алынды.