Сиңдимдин күйөөсү үч кызына алимент төлөбөй жатат. Эмне кылса болот?

2020.02.04, 17:13
570

Саламатсызбы! Сиңдим күйөөсү менен ажырашты. Негизи 2014-жылы эле бир катуу жаңжал болуп, кайын энеси ЗАГсын кестирип салган экен. Былтыр да уруш  болуп экөө эки жака кетишти. Эми алиментке арыз жазса, арызды бекер кылып салып алимент төлөбөй атат. Күйөө баланын тайкеси адвокат болуп иштейт экен. Ошол жардам берип жүрөт окшойт. Сиңдим башка жакка, мисалы Бишкекке арыз жазып кайрылса болобу? Үч кызы менен кыйналып жатат.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
04.02.2020, 17:19

Нурислам Раимжанов

"Справедливость" укук коргоо уюмунун юристи

Урматтуу окурман! Кыргыз Республикасынын Үй-бүлө кодекинин 85-беренесинин 1-бөлүгүнүн негизинде, "Ата-эне өздөрүнүн жашы жетпеген балдарын багууга милдеттүү" деп көрсөтүлгөн. Демек, балдарды багуу бир гана энеге жүктөлгөн эмес, ата да өз балдарын багууга милдеттүү.

Алимент өндүрүү жөнүндө арыз менен сотко кайрылып, соттук буйрук чыкканынан кийин ага карата 5 күндүн ичинде каршы пикир жазган болсо, алимент өндүрүү жөнүндөгү буйрук жокко чыгарылат. Менин оюмча ал ушундай жолго барган окшойт.

Эгер мен ойлогондой болсо, анда сиңдиңиз доо арыз менен сотко кайрылышы керек. Алимент өндүрүү боюнча жашаган жери боюнча сотко арыз жазса болот, Бишкек шаарында жашаса, анда Бишкектен. Редакция менен байланышып менин номеримди алсаңыз, сизге жардам берүүгө аракет кылайын.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт