Чет өлкөдөн кызмат өтөсөм болобу? Полковник жооп берет
Мен 22 жаштамын. Кенедей кезимен берки бир кыялым бар. Германия өлкөсүнө барып, аскер кызматын өтөп келгим келет. Бирок кантип муну ишке ашырса болот? Мүмкүн болсо, жардам бере аласыңарбы?
Гүлзат Жарашева
Кыргыз Республикасынын Куралдуу күчтөрүнүн генералдык штабынын, пресс-кызматынын жетекчиси, полковник
Саламатчылык. Биздин аскер кызматкерлерибиз башка өлкөлөргө чыкканда мамлекеттик куралдуу күчтөрүнүн расмий өкүлдөрү катары же БУУнун алдындагы байкоочу катары барып келишет. Мындай иш сапарларга иштеп жүргөн офицерлер гана бара алышат.
Сиз Кыргызстандын аймагынан ыкчам кызмат өтөсөңүз болот. Эгер жогорку билимиңиз болсо, анда офицер катары чакырылып, келечекте чет өлкөгө чыгуу мүмкүнчүлүгүңүз пайда болот.
Ийгилик!