Банктык эсеп ачуунун жол-жоболору

Айыл Банкта банктык эсеп ачуу - заманбап жана ыңгайлуу!

Жеке банктык эсеп –  каражаттарыңарды башкаруу үчүн заманбап жана ыңгайлуу каржы инструмент. Жеке банктык эсеп менен:

• накталай эмес акча которууларды алуу жана жөнөтүү
• ар-кандай товарлардын акысын төлөө
• коммуналдык төлөмдөрдү жүргүзүү
• уюлдук телефондордун эсебин толтуруу
• салыктарды которуу
• эмгек акыны эсепке алуу жана башка банктык операцияларды жүргүзүү мүмкүн. 

Айыл Банк  Кыргызстандын бардык аймактарында жайгашкан бөлүмдөрүндө банктык эсепти ачууну жана сапаттуу эсеп-кассалык тейлөөнү сунуштайт.

Банк эсебин ачуу үчүн керек болгон документтердин тизмеси

Жеке жактар үчүн:

• кардардын анкетасы;
• бенефициардык менчик ээсинин (пайда алуучунун) анкетасы;
• кардардын кол тамгасын коюулган эсепти ачууга арыз;
• кардардын өздүгүн тастыктаган документ (паспорт)

Кардардын пайдасына ишеним кат боюнча эсеп ачкан учурда:

• кардардын эсебин ачууга же аны башкарууга ишеним каттын түп нускасы,
  эгерде башка ишеним кат болсо, анда салыштырып текшерүү үчүн анын көчүрмөсү жана түп нускасы;
• кол тамгалар үлгүлөрүнүн карточкасында көрсөтүлгөн, ыйгарым укуктуу адамдын паспорту (салыштырып текшерүү үчүн көчүрмөсү жана түп нускасы) керек;

Эсепти ачкан кардар он төрт жашка толо элек болсо, анда эсеп ачуу үчүн төмөнкүлөр керек:

• ата-энесинин, эсепти башкарууга ыйгарым укук берилген өкүлдөрүнүн паспорту (салыштырып текшерүү үчүн көчүрмөсү жана түп нускасы);
• жашы жете элек кардардын туулгандыгы жөнүндө күбөлүк (салыштырып текшерүү үчүн көчүрмөсү жана түп нускасы);

Кененирээк маалымат үчүн шилтеме