Атым Алина, аябай аскер бөлүмүндө иштегим келет. Полковник жооп берет
Саламатсызбы. Менин атым Алина, 25 жаштамын, 1 уулум бар. Менин аябай аскер бөлүгүндө иштегим келет. Угушум боюнча, аскердик бөлүмгө жумушка кирээрде медициналык кароодон өтүү зарыл. Тилекке каршы, кырсыктан улам көк боорумду операция менен алып салышкан. Мен аскер кызматкери боло аламынбы?
Гүлзат Жарашева
Кыргыз Республикасынын Куралдуу күчтөрүнүн генералдык штабынын, пресс-кызматынын жетекчиси, полковник
Саламатчылык. Ооба, туура айтып жатасыз. Аскердик бөлүмгө жумушка кабыл алына тургандардын бардыгы сөзсүз түрдө медициналык текшерүүдөн өтүшөт. Ал жактан доктурлар сизди жарайт же жарабайт деп өздөрү бүтүам чыгарышат.
Тилекке каршы, учурда аял кишилер аскердик кызматка азыраак алынып жатат. Эгер прапорщик же сержанттар керек болуп жатса, контрактык негизде кызматчы болуп ишке кабыл алына берет. Бирок, ал үчүн кайсы конкреттүү бөлүмдө, кандай кызматкерлер керек экенин билүү зарыл.
Башкы беттеги сүрөт vb.kg сайтынан алынды.