Экинчи никени каттоо үчүн биринчисин сөзсүз кырктыруу керекпи?
Жолдошум биринчи аялы менен расмий түрдө ажырашкан эмес. Биздин үйлөнүп, турмуш курганыбызга 5 жыл болуп калды. Биз Таластабыз, биринчи жубайы Көлдө. Никеге туруу үчүн мурунку ЗАКСын сөзсүз кырктыруу керекпи?
Бакай Алишеров
КР Мамлекетти каттоо кызматынын Уюштуруу-коммуникация иштери бөлүмүнүн жетектөөчү адиси
Саламатсызбы. Кыргыз Республикасынын мыйзамына ылайык, жарандарга бир гана никеге турууга уруксат берилет. Ошондуктан силердин никеңерди расмий түрдө каттоо үчүн мурунку жубайы менен расмий түрдө ажырашуусу керек.
Эгер биринчи жубайы ажырашууга каршы болсо, сотко кайрылуудан башка аргаңыз жок. Соттун ажырашуу тууралуу чечиминин негизинде гана жаңы никени каттатууга уруксат берилет.
Ийгилик.