Москвага кетүү үчүн балага кандай документ жасатуу керек? Адис жооп берет
Саламатсызбы. Менин суроом мындай: баламды Москвадан төрөгөм, күбөлүгү Россияныкы. Кыргызстанга келгенибизге 5 ай болду. Москвадан кыргыз элчилигинен “вкладыш” жасатып, баланы алып келгенбиз. Кайра Москвага кетүү үчүн кандай документ алышыбыз керек?
Бакай Алишеров
КР Мамлекеттик каттоо кызматынын уюштуруу-коммуникация иштери бөлүмүнүн жетектөөчү адиси
Саламатчылык. Сиздин жагдайда алгач баланы каттатуу зарыл. Ал үчүн үйдүн техпаспорту, үй китепчеси жана үйдүн ээси же анын каттоого макулдугу керектелет.
Андан кийин балага жалпы жарандык паспорт жасатасыңар. Жогоруда аталган документтерге кошумча, ата-эненин нотариус жактан таризделген макулдугу, жана паспорттору керек болот.
Жалпы жарандык паспорт 12 күндүн ичинде даярдалат. Күбөлүк үчүн мамлекетке төлөнүүчү салык 533 сом.
Ийгилик!
Башкы беттеги сүрөт интернеттен алынды.