Жолдошумдун спермаграммасында тирүү да өлүк да урук жок экен. Бул эмнеси?
Мен урологдон кеңеш алгым келет. Жолдошум экөөбүздүн 2 балабыз бар, кичүүсү 5ке чыгат. Дагы балалуу бололу дегенбиз. Боюма бүтпөй жатканынан жолдошум спермаграмма тапшырды. Жыйынтыгында тирүү да өлүк да урук жок экен. Ушуну кандай түшүнсө болот?
Азат Бейшенов
Уролог
Саламатсызбы. Тирүү да өлүк да сперманын жок болушу, урук жок дегенди билдирет. Медицина тилинде “азоспермия” деп аталат.
Азоспермия – бул репродуктивдик оору, анда эркектин бел суусунда жыныстык клеткалар толугу менен жок болот.
Азоспермиянын пайда болушуна көптөгөн себептер бар:
- стресс;
- жыныстык жол аркылуу жугуучу оорулар;
- жумуртка бездердин сезгенүүсү;
- химиотерапияны алуу
- эндокриндик системандагы өзгөрүүлөр, ж.б
Тилекке каршы, мындай диагнозду дарылоого мүмкүн эмес.
Бул паталогиянын ачык-айкын билине турган, же бейтаптын тынчын алган белгилери болбойт. Башкы фактору кош бойлуулуктун жоктугу.
Сексуалдык функция, жыныстык мүчөнүн иштеши бузулбайт. Мурункудай эле эркеция бар, бел суусу бөлүнүп чыгат. Болгону мындай сперма менен бойго бүтүү мүмкүн эмес.