Мен кызмын, айызым келгенде тампон колдонсом болобу? Гинеколог жооп берет
Саламатсызбы. Мен кызмын, жашым 17де. Спорт менен машыгам. Сурайын дегеним, тампон менен колдонсом кыздыгыма доо кетпейби?
Нургазы Джанузаков
“Medcenter.kg” медицина борборунун адиси, гинеколог
Жок, тампон менен колдонууга болбойт. “Прокладка” менен гана колдонуңуз.
Этек кири келген учурда кыздык белги чоюлчаак жана ийкемдүү болуп калат, ошондуктан тампон колдонсо болот, деген жаңылыш пикир бар. Бирок тампонду салып жатканда кыздыкка доо кетери турган иш.
Мисалы, биз өспүрүм кыздардын сезгенүү процессин дарылайбыз. Андайда бейтаптын жыныс кынына атайын “свечалар” салынат. Ал процедураны орто медициналык персоналга жасоого уруксат берилбейт, себеби кыздык белгиге доо келтирүү коркунучу жогору. Процедура операцияга тете. Ошондуктан доктур өзү жасайт.
Колдон келсе, жыныстык жашоо менен жашай элек болсоңуз, тампон менен колдонбой эле койгон оң.