Телефонумду уурдатып жибердим. Кантип тапсам болот?
Студентмин. Кечээ элдин арасынан уурулар байкатпай телефонумду уурдап кетишти. Милицияга арыз жаздым, бирок жардам бере албачудай. Телефонума чалсам өчүк экен, мындай учурда табыш кыйын деп коюшту. Издеп табуунун кандайдыр бир жолдору барбы?
Нурислам Раимжанов
"Справедливость" укук коргоо уюмунун юристи
Саламатсызбы! Телефонуңуз жоголгону боюнча укук коргоо органдарына арыз берген болсоңуз, аны издеп табуу маселесин алар жүргүзүшөт. Телефон кайсы SIM картада колдонулуп жатат аныктап, коробкасында жазылган коддор аркылуу ыкчам иликтөө жасашат. Бул иш-аракеттердин негизинде телефонуңузду ким, кайсы жерде колдонуп жатканын байкаса болот. Ошонун негизинде кылмышкердин изине түшүшөт деп ойлойм.