Насыя алаардан мурун эмнелерди билүү керек? Адистен 5 кеңеш
2019.05.14, 17:08
736
«Компаньон Банкы» ЖАК кредиттөө башкармалыгынын регионалдык менеджери Адилет Темирбеков насыя алаардан мурун эмнелерди билүү керек экенин айтып берди.
- Кредит алаардан мурун максаттыңызды тактап, план түзүңүз. Канча сом аласыз? Ай сайын төлөнчү сумманы төлөөгө мүмкүнчүлүгүңүз жетеби? Жакшылап ойлонуңуз.
- Кыргызстандын рыногунда 25 банк бар. Эринбей ар биринин пайыздык ченин изилдеп чыгып, өзүңүзгө ыңгайлуусун тандаңыз.
- Сөзсүз түрдө насыя келишими менен таанышыңыз. Юрист менен кеңешиңиз.Талаптарыңызга туура келсе гана кол коюңуз.
- Учурда банктардан ар кандай максаттарга насыя алса болот. Андыктан эмне үчүн кредит алып жатканыңызды жашырбаңыз. Муздаткыч үчүн деп, башка жакка жумшоонун кереги жок. Айып пул төлөйсүз.
- Эч качан башка бирөөгө насыя алып бербеңиз. Кредиттик тарыхыңыз бузулуп, кийин өзүңүз алалбай калышыңыз мүмкүн.
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.