Базардагы бет майдын пайдасы
Ар ким жүзүнө кам көрүүнү өз билгенине жараша жүргүзөт. Ошондой эле бетке кам көрүүнүн ыкмалары, ага колдонулуучу косметикалары да ар кандай.
Сулуулукка кам көрүү жана туура косметикалык каражаттарды тандоо боюнча келип түшкөн суроолорго, дарыгер, косметолог Айнура Сагынбаева жооп берди.
Косметикалык каражаттарды базардан сатып алса болобу?
Европалык стандарттар боюнча косметикалык каражаттарды атайын дүкөндөрдөн, дарыканалардан алуу керек. Себеби базарларда туруктуу температура болбогондуктан, каражаттардын сактоо режими бузулуп калышы ыктымал. Алардын пайдасынан зыяны арбын болот.
Беттеги кара чекиттерден кантип арылса болот?
Майлуу, ширин, жана ачуу тамактарды ашыкча колдонуудан, горманалдык системанын бузулуусунан, туура эмес косметикалык каражаттарды пайдалануудан улам көрнөчөлөр (поры) ачылып, аларга майлар толуп, кара чекиттер пайда болот. Кара чекиттен арылуу үчүн косметологго тазалоого барып туруш керек жана кайра толуп калбаш үчүн атайын косметикалык каражаттарды колдонуу зарыл.