Таежемдер үйүбүздү алып койбойбу?
Ата-энем ажырашкандан кийин апамдын төркүнүндө жашап калдык. Тайенем каза болгондон бери үй апамын атында. Апамын эже-сиңдилери үйдү талашабы деп корком. Тилеке каршы биз дагы 3 кызбыз. Турмушка чыксак үйдү алып койбойбу? Эгерде үйдү таежемдер талашса мыйзам ким тарапта болот?
Нурислам Раимжанов
Юрист
Урматтуу суроо берүүчү, эгерде тайенеңиз көзү тирүү кезинде мүлктү апаңызга мыйзам талабы боюнча белек иретинде калтырган болсо жана ал мүлктү апаңыз кабыл алган болсо, анда үйүнүздөр жалгыз апаңыздыкы болуп эсептелинет. Таежелериңиз үйдү талашкан күндө дагы, мыйзам сиздер тарапта болот. Эгерде апаңыз үйдү тайенеңиз каза болгондон кийин, мыйзам боюнча мурасты кабыл алуу процедурасы боюнча кабыл алган болсо, бул учурда дагы мурас мыйзамдуу кабыл алынды деп эсептелинет. Сиздер турмушка чыгып кетсеңиздер да үйдү эч ким алып коюга укугу жок. Үйдүн документтерин көрсөтсөңүз толугураак кеңеш берет элем. Менин номеримди редакциядан алсаңыз болот.