Жолдошум экөөбүздүн ортобузда көйгөйлөр болуп жатат. Ал кенебес, жоопкерчилиги жок, өзүн гана ойлойт, өзүнүн курсагы тойсо болду. Жалган көп айтат, акчаларын үйгө алып келбейт, өзүн гана эптеп жүрө берет. Анан акчаң кана, ага буга жетпей жатат деп наалысам урат. Айлам жоктон эле жүрөм, кичине уулум 5 айлык, кетип калайын десем баламды ким карайт, ата-энеме таштасам алардын да өзүнүн түйшүгү көп, алардын үйүнө кантип олтурам деп айлам жок болуп жүрөм.
Айгүл Ысыкеева
психолог
Сиздикине окшош тагдырлар абдан көп кездешет. Негизи кыздар турмуш жолуна аттанаарда жакшылап балдарды карап, тандап, алдыга көз салып анан турмушка чыгышы керек. Турмуш куруу бул – ар түрдү жоопкерчиликти моюнга алуу.
Кандай учурларда кыздар шашылып үй-бүлөлүк жашоону тандап алышат.
Мына ушундай коркунучтар менен шашып күйөгө чыгып алышып анан тагдырдын сыноосун көтөрө албай кыйналышат. Эгер келечекти ойлоп, шашпай тандап, түшүнүшүп тумуш курса биргеликте баарын жеңишет.
Эми сиз эмне кылышыңыз керек?
Өзүңө өзүң гана жардам бер, жоопкерчиликти моюнга ал. Балдарыбыздын келечегин ойлоп, аларга үлгү болуп жашайлы. Биз өзүбүз урушуп-талашып жатып балдарыбызга кантип жакшы тарбия бере алабыз? Алдыдагы жашообуз кандай болот? деген суроолорду узатып, жолдошуң менен ачык сүйлөш. Эгер эч кандай жыйынтык болбосо, ажырашуу керек. Канчага чейин чыдап, кыйналып жашайсың. Болгону кылдат ойлонуп чечим чыгар.