// //
Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Мени коркутуп, көз боемочулукка айыптап жатышат

Мен 3-4 күн мурун интернеттен бет майга буйрутма берген элем. Бет майыңыз келди деп чалышканда, макул алайын дегем. Кийин туугандарыбыз каза болуп калып, акчамды ошол жакка иштетип алдым. Буйрутмамды ала албай калдым. Качан аласыңар деп чалганда, эмне деп айтышты билбей, уялганымдан албай койгом. Эми болсо мени коркутуп, көз боемочулукка айыптып кат жиберишиптир. Эмне кылсам болот?

Эксперттин жообу
02.04.2018, 10:55

Нурислам Раимжанов

Юрист

Кыргыз Республикасынын керектөөчүлөр жөнүндөгү мыйзамынын 24-1 беренесинин негизинде керектөөчөлөр дистанциондук түрдө ( интернет, телефон) товарга буйрутма бере алат деп жазылган. Ушул эле берененин 3-пунктунда керектөөчү буйрутма берген товарын алганга чейин каалаган убагында, товарды алгандан 5 күн ичинде баш тарта алат деп көрсөтүлгөн. Сиз коркпой эле буйрутма берген адамга чалып товардан баш тартканыңызды айтып коюңуз. Сизге жиберген каттарында сизди көз боемочулукка айыптап жатышат. Бирок бул сизге тиешелүү эмес. Көз боемочулук деген бирөөнүн буюмун алдоо жолу менен, өзүнө алып алуу. Андыктан бул жерде сиздин күнөөңүз жок. Сатуучунун сизди минтип коркутуп жатканы дагы туура эмес. Сиз болгону телефон аркылуу жогорку беренелерге таянып баш тартып жаткандыгыңызды айтып коюңуз.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт