Сүйлөшүп жүргөн жигитимдин үй-бүлөлү экенин билбей, кумарга батып койгом. Кийин камалып кетип, ошол жактан нике кыйдырганбыз. Жигитиме карындашы, мага досу күбө болгон. Нике кыйылгандан кийин интимдик катнашка барган да жокпуз, көрүшпөдүк дагы. Азыркы учурда башка балага турмушка чыгып, бактылуу жашап жатам. Жүрөгүмдү өйүгөнү никем так эместигинде. Менин никем кимисинде?
Улан Усупов
теолог
Талак менен байланыштуу маселеде Учкун мечитинин имамы, аалым Молдо Сабыр устазга, же болбосо азирети муфтийдин орун басары Жоробай Шергазиев устазга, же Чубак ажы Жалиловго жолугуп, фатва, башкача айтканда бул маселе боюнча диний өкүм кандай болорун сурап билип алсаңыздар жана аны аткарсаңыздар жакшы болот. Талак маселесинде аалым менен бетме-бет жолугушуп, окуяны төкпөй-чачпай ага айтып берип, берген суроолоруна жооп беришиңиздер зарыл. Ошондо гана бул маселенин тактыгын биле аласыз.