Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Кызымды Түркияга кантип алып кетем?

Учурда Түркиядамын. Жакында сиңдим жаныма келет. 9 жаштагы кызымды ала келсин дегем. Ишеним катын апама жазгам. Эми апам сиңдиме ишеним кагазын бере алабы. Кызымдын атасы менен нике күбөлүгүбүз жок. Туулгандыгы туралуу күбөлүктө фамилиясы менде, атасынын уруксаты дагы керек болобу?

Эксперттин жообу
А
Аноним
16.03.2018, 17:00

Нурислам Раимжанов

Юрист

Кыргыз Республикасынын Жарандык кодексинин 205-беренесине ылайык ишеним кат башка адамга дагы бир ирет өткөрүлүп берилиши мүмкүн. Ал үчүн сиз апаңызга берген ишеним кагазыңызда апаңызга башкага өткөрүп берүүгө укук бергенсизби же жокпу тактап алыңыз. Эгер укук берилген болсо анда апаңыз ишеним катты алып нотариуска барып, сиңдиңизге өткөрүп бере алат. Кийинки маселе кызыңыздын туулгандыгы тууралуу күбөлүгүндө атасынын аты деген жерге жолдошуңуздун аты жазыла берет. Бирок атасы деген графада атасынын аты жазылганбы? Жарандык ал-абалдын актыларын каттоо бөлүмүнөн атасы экендигин аныктаган күбөлүк берилгенби? Эгерде жазылып жана берилген болсо, анда атасынын уруксаты жазылган ишеним кат сөзсүз керек. Ошондой эле кызыңызды Түркияга алып кетүү үчүн Мамлекеттик каттоо кызматына кайрылып, чет жакага чыгуучу паспорт жасатуу зарыл экенин эске алыңыз.

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт