Кантип арыктайм

Гульнара Абдрахманова

Диетолог-эндокринолог

Салмактан арылуу үчүн 3 нерсени эске алыңыз.

• Биринчиси туура тамактануу. Жер-жемиштер, белок жана углеводдор аралашып, баланстанган тамактарды ичип, жеңиз. Азыркы тапта мурдагыдай 60 пайыз углевод, мынча пайыз белок деп эсептеп тамактануу жок. Баары индивидуалдуу болуп калган.

Тарелканы элестетиңиз. Аны экиге бөлүңүз, бир бөлүгүн жашылча-жемиштер, экинчи бөлүгүнүн жарымын углеводдор, жарымын белоктор түзсүн. Өзүңүздөр көргөндөй жеп жаткан тамак-ашыбыздын 50 пайызын жашылча-жемиштер ээлеши зарыл. Ар дайым тамактанып жатканда бул эрежени колдонуңуз. Түштө сөзсүз түрдө тамактаныңыз. Ачкачылык үч сааттан ашса, организим стресске кабылат. Тамактанганда ашыкча өлчөмдү өзүнө май кылып топтоп алып, кайра ачка болуп баштаганда аны колдонот. Андыктан негизги болгон эртең мененки, түшкү жана кечки тамактануулардын арасында аз-аздан бир нерсе жеп туруңуз.

• Экинчиден физикалык көнүгүүлөр. Үй-жумуштары, окуу же ишке барып келүү физикалык көнүгүү эмес. Физикалык көнүгүүлөргө жөө басуу, чуркоо, спорт залга барып машыгуу, сууда сүзүү кирет. Жөө басканда сейилдегендей жай эмес, 30 мүнөт тез ылдамдыкта басуу. Бул минимум десек болот. Эң мыкты тандоо сууда сүзүү. Өсүп жаткан жаштарга булчуң чыгаруунун кереги жок. Машыгуулар линейкалуу болсун. Алсак аларга баскетбол, валейбол же футбол туура келет. Ал эми күрөш болсо булчуңдарын чыгарууну каалагандарга туура келет.

• Үчүнчүдөн таза, жылуу суу ичүү.Себеби суу организимдеги зат алмашууну тездетет. Сууну күндүн биринчи жарымында, күнүнө 7 стакан же эң көп дегенде 3 литр ичүү сунушталат.

• Арыктатуучу дары-дармектер

Көпчүлүк азыр салмактан тез арылуу үчүн энергетиктерди, биокошулмаларды колдонушат. Бул чон жаңылыштык. Мындай тамактануудан боор, жүрөк, бөйрөк жана нерв системалары жабыркайт. Арыктайсың деп эч ким кепилдик бере албайт. Алсак, бөйрөк биз жеген нерселердин баарын филтрация кылган эң негизги орган. Энергетиктерди колдонгондо майлардан арылуу агрессивдүү түрдө жүрөт. Зыяндуу кетон заттары сыртка көп өлчөмдө бөлүнүп чыгат. Бөйрөккө чоң басым келет. Эгерде бөйрөк бир жолу жабыркаса, аны кайра толугу менен калыбына келтирүү мүмкүн эмес экенин эске алуу керек. Андыктан убагында таасир бергени менен, мындай зыяндуу кошулмалардын кесепети келечекке тиет. Биздин өлкөдө арыктатуучу каражаттардан орлистатка гана уруксат берилген. Калгандары мыйзамсыз жолдор менен келет. Орлистат майларды соруп алат, нервге доо кетирбейт, анорексигендик таасири аз. Баары дарыгердин көзөмөлүнүн астында жүргүзүлөт. Бирок аны колдонбой койсоң майлар кайра калбына келип калат. Андыктан баары бир туура тамактануу эрежесин кармануу зарыл.

саламатсызбы мен 92 кг кантип арыктасам болот