Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Ала качкан күйөмө көңүлүм жок

 

Үч ай мурун турмушка чыккам. Ала качып кетишти. Ата-энем салтка таянып, тааныш деп калтырып коюшту. Эми болсо менин күйөөмдө такыр көңүлүм болбой жатат. Мүнөздөрүбүз туура келбейт. Анын кылыктары аябай кызга окшош. Үйдө жалгыз бала болгондугуна байланыштуу өтө эле эрке. Кетем десем ата-энем эл эмне дейт деп болбой жатышат. Аябай сыгылып кеттим. Кимге айтууну билбейм. Эмне кылсам болот? Мага аз да болсо кеңеш бериңиздерчи.

 

Эксперттин жообу
А
Аноним
07.03.2018, 10:08

Бүбүсара Рыскулова 

"Сезим" кризистик борборунун жетекчиси, психолог

 

Азыркы маалымат өнүккөн, мыйзамдар иштеп жаткан заманда кыздарыбыздын өз укугун билбей жатышы өкүндүрбөй койбойт. Бойго жеткен кыздарыбыз өз укугун билбей, тагдырын ойлобостон, келечегине балта чаап жатышат. Өзүңөрдүн жашооңорду ойлогула. Эл эмне дейт деп бир көргөн адамга турмушка чыгууга макул болуу бул туура эмес. Мындан кийинки турмушуңар кандай болот эч ким билбейт. 3 айдан бери жашап жатканыңардан кийин сиз баарына макул болгонсуз. Жолдошуңуз өзүнүкүн бербеген эрке экен. Мындай жол менен кете берсеңер, аягы ажырашуу менен аякташы мүмкүн. Кыйналып жашай берсеңиз, кош бойлуу болуп калсаңыз, келечектеги балаңыздын тагдыры кандай болот? Мен сизди көрмөйүн бир нерсе деп кеңеш бере албайм, балким жакшы жашап кетесиңер, балким жок. Сиз ата-энеңизге жакшылап түшүндүрүңүз, психологдорго кайрылыңыз. Жолдошуңуз менен кийинки жашооңуз кандай болот, сөз таап кете аласыңарбы, баарын жакшылап ойлонуп, анализдеңиз. Ала качуу бул биздин салт эмес. Ата-эне балага жамандык каалабайт, бирок ошентсе дагы балдарын тааныбыган бирөөгө байлап берүүдөн мурун аларды тааныштырсын, көңүлдөрү төп келеби билсин. Себеби билбеген адам менен жашоо аябай кооптуу. Ал кандай адам, үй-бүлөсү кандай кабыл алат, эч ким билбейт.

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт