Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Майыптар үйүндө жашагым келет

 

Мен 2-топтогу майыпмын, ата-энем каза болуп калган, көп жыл болду. Ошол жылдардан бери бир байкемдикинде, бир эжелеримдикинде жашап жүрөм. Баары тең өз алдынча жашашат, мен үйдүн кичүүсү болгонум менен майыптыгымдан жалгыз оокат кыла албайм. Эжемдердикине барганда колумдан келишинче жардам берип, баардык оокаттарына жумуштарына жардам берем. Бирок оору менен майыптыгымдан депрессияга чалдыктым. Же үйлөнө албасам, же эл катары бала жытын жыттап ата боло албасам, өзүм теңдүү балдар менен отуруп кичине ичип көрдүм, ичип алганда ого бетер депрессияга түштүм ар кайсыны ойлонуп. Азыр ооруканада жатам, мен эжемдердикине сагалабай өзүм курлуу майыптар үйүнө которулгум келет, анткени соо адамдар арасында мен ого бетер стресске кабылып жатам. Бир туугандарым болгон аракетин жумшап жакшы көрүп турса деле мен майыптар арасында болгум келип жатат. Алар иштешсе кошо иштеп оокат ашымды кылып кетет элем. Анткени кайсы эжемдикине барбайын сыртта баары мени шылдыңдап карачы баары жакшы а сен майыпсың, эжеңдер сени жакшы көрбөйт деп айтышат, ошондуктан мен ооруканадан чыгып эле ошол майыптар үйү болобу, же ушундай мага окшогондор чогуу оокат кылып иштеген мекемелер барбы, айтып коесуздарбы? Мен кайда кайрылсам болот, телефон номерлери барбы? Бир туугандарыма айттым, алар ыйлап жатышып араң макул болушту, сенин чечимиңди сыйлайбыз дешти. Мүмкүн мен ошол майыптар үйүндө өзүмө окшош бирөөнү таап бактылуу болом. Мен жигитмин, жашым 25 де. Жардам сурайм силерден.

Эксперттин жообу
А
Аноним
01.03.2018, 16:04

Нурдөөлөт Базарбаев

Социалдык камсыз кылуу департаментинин мүдүрү 

 

Мүмкүнчүлүгү чектелген жаран жана карылар үчүн социалдык-стационардык мекемелерге келүү шарттарына токтолсок:

Ар бир аймакта кайрылган жарандардын социалдык көйгөйлөрүн чечүүгө комиссиялар түзүлгөн. Социалдык стационардык мекемелерге келүү үчүн, ошол коммисиянын чечими, жашаган жериндеги социалдык өнүктүрүү башкармалыгынын жолдомосу керек. Мүмкүнчүлүгү чектелген жаран биринчи кезекте жашаган жериндеги социалдык коргоо мекемесине барып арыз жазат. Арыз түшкөндөн кийин башкармалык анын үйүнө барып акт түзүп, себептерин аныктап, комиссиянын чечимине коет. Эгерде комиссия барсын деген чечим кабыл алса, социалдык башкармалык керектүү документтер тизмегин айтат.

  • Жугуштуу оорулар менен оорубагандыгы туралуу маалымкат
  • Аны тастыктоого анализ тапшырат, мекемеге жашоо үчүн келип жатканда, тапшырган анализдери жаңы болуш керек.
  • Медика социалдык экспертизадан маалымкат. Дал ушул мекеме жарандын мүмкүнчүлүгүнө карап, психоневрологияга барабы же башкасынабы аныктама берет. Биз ошол аныктама менен аны мекемеге жайгаштырабыз.
  • Мекемеге келип жайгашуу үчүн эч кандай акча төлөбөйт, баары бекер.

Кайрылган жарандарды өздөрү каалаган аймакка жайгаштырганга аракет кылабыз. Бирок каалаган жеринде орун жок болсо, бош болгон жерге жайгаштырылат. Азыркы тапта Бишкек шаарындагы мекемеде орун жок. Сузакта жана Нижний-Серафимовкада орун бар.

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт