Мен жакында эле турмушка чыктым. Жолдошум уктап жатканда албарсты басып жатат деп кыйналып, уктап жатып "мени ойготчу" деп сүйлөнөт. Ойготсом ойгонбойт, бетине чапкылап жатып зорго тургузам. Молдого дем салдыралы десем болбой жатат. Анын жанында жатып мен да жаман түштөрдү көрүп, ойгоно албай кыйналам. 9-класста окуп жүргөндө классташ балам каза болуп калган, көбүнчө ошол түшүмө кирет. Кандай кылсак албарстыдан, жаман түштөрдөн арылабыз?
Нурлан Субанов
Теолог, “Адеп башаты” фондунун мүдүрү
Ооба, динде албарсты деген түшүнүк бар. Болгону аны мусулманчылыкта кара басты деп коет. Ал уктап жатканда келип тамагыңызды кысат, кыйнайт. Анан уктай албай кыйналып, ойгонуп кетесиз. Кара баскан адамдын ордуна же жанына жаткан адамды дагы басат деген нерсе жок. Болгону уктоочу жер таза болушу керек. Алдын ала нандын күкүмдөрүнөн тазалап, шыпырып коюу зарыл. Жаман түштөрдөн, кара басуудан сактануу үчүн жатаарда аятул курси, ихлас, фалак, наас сүрөөлөрүн үч жолудан окуп, өзүңүздөргө дем салым жатыңыздар.