Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Кайын энем элдин көзүнчө мени кемсинтет

Саламатсызбы, мага аябай психологдун кеңеши керек. Мен турмушка чыккам, бир балам бар. Кайын энем менен бир турабыз. Үйдөн конок үзүлбөйт. Айрыкча, кайын энемдин туугандары көп келет. Ал туугандарынын көзүнчө кагынып, силкинип, бой көтөрүп, мен жасаган ишти артыман оңдой берет. Мага тийишип сүйлөп, кемсинтет. Ошонусуна арданып, ызаланам. Кээде эмоцияга алдырып урушуп да кетем. Эч ким жокто андай деле эмес. Мен негизи тыңмын. Тамактын түрүн жасайм, кыймылым тез. Киши келгенде дасторконду жайнатып, улам чай сунуп көңүлүн алам. Туугандардын бары макташат, ыразычылыгын билдиришет. Кайын энем аны байкабайт. Ошол учурда өзүмдү кандай алып жүрүшүм керек?

Эксперттин жообу
24.01.2019, 17:43

Карлыгаш Акимкулова

“Psihoanaliz.kg” психотерапия борборунун психотерапевти

Сенин кайын энең туугандарынын көзүнчө абройлуу, кыйын жана үйдүн чыныгы кожойкеси болуп көрүнгүсү келет. Мунун бир нече себеби болушу мүмкүн:

  1. Алардын үй-бүлөсүндө, тууган арасында бири-бирине кылган мамилеси ошондой.
  2. Келинге көңүл бөлүп, сый мамиле жасоо алсыздыктын белгиси катары кабыл алынат.
  3. Сен ашыкча жакшы, ашыкча тыңсың. Сен кайын энеңдин колунан келбегендердин бардыгын жасаганды билесиң. Жасаганда да майын чыгарасың. Ал асылганга себеп таппай, жумурткадан кыр чыгарат. Себеби, бардыгын сага өткөрүп берип койсо, сени: үйдү, үй-бүлөнү, туугандарды бийлеп алат деп чоочуркайт. Бул жашыруун конкуренция. Анын оюу боюнча сенден кыйыныраак көрүнүүнүн бир гана жолу бар – бул басынтуу, кемсинтүү, ар нерсеге асылуу.

Сен эстүү келинсиң. Ошондуктан бул маселени чечүү сен үчүн кыйынчылык деле жаратпайт болуш керек. Болгону бардыгына жагынууга, көңүлүн алууга шашылба. Өзүңө-өзүн жаксаң жетиштүү.

Ал эми кайын энеңдин эгесин канааттандыруу үчүн бир иш кыларда аны менен кеңешип, ыразычылык билдирип, мактап тур. Өзгөчө туугандардын, коңшу-колоңдун көзүнчө. Майрамдарда, туулган күнүнө белектерди жасап көңүлүн ал.

Сен бул үй-бүлөгө бүлө болуп келдиң. Демек алардын шартына көнүшүң керек. Бирок өзүңдүн кызыкчылыктарыңды татыктуу коргой бил.   

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт