Программист болгум келет. Университеттен програмистке керектүү сабактардын негиздерин эле аз-аздан өтөбүз. Убакытты алган керексиз сабактар дагы бар. Мен курска барып, анан дароо стажировкага чыгып, калганын иштеп жатып үйрөнүп алайын дегем. Университеттен деле баарын өзүм окуйм, мындайча айтканда өз алдынча деле окуса болобу?
Алыбек Айдарбек уулу
«Sunrise Studio” компаниясынын негиздөөчүлөрүнүн бири, программист
Менин оюмча программист болуу үчүн убакытты коротуп университетке окуп, атайын диплом же сертификат алуунун зарылчылыгы деле жок. Окуу жайда жылдап үйрөнгөнүңдү өз алдыңча курстарга барып өздөштүрүп алып, стажка өтүп, бат эле иштеп баштаса болот. Өз алдынча иштөө үчүн курсту тандап жатканда, баасына эмес, бүткөндө иштеп кетүүгө мүмкүнчүлүгү барбы, ошого караш керек. Мен өзүмдүн кесибим башка, программалоону өз алдынча эле үйрөнүп алгам. Үйрөнүүгө 3-6 ай кетти. Азыркы тапта өзүбүздүн жеке компаниябызды иштетип жатабыз.