Жашым 13 тө. Себепсиз ыйлай берем. Өзүмдү өлтүрүүгө аракет жасайм. Колдорумду кесем. Билбейм эмнеге бирок жашоодон тажадым. Бирок атам жок. Ушул себептен болуш керек жана бир туугандарым жок ошол себептен ыйлайм. Ал эми өзүмдү өлтүрүүгө аракет жасаганым, мугалим эжейим бетиме чапкан болчу, ошол себептен. Жана дагы ушул мугалимдердин урганга укугу барбы?
Ильдар Акбутин
Психолог
Ыйлоо, өзүн-өзү өлтүрүүгө аракет жасоо себепсиз болбойт. Бул нерселер сиздин жан дүйнөңүздө оору бар экенин айтып, жакындарыңыздын, психологдун жардамы жок ал оорудан арыла албай турганыңыздан кабар берет. Мен сизге терең кайгырам, жана эгерде шаарда болсоңуз, менин консултацияма келсеңиз, арзандатууларды кылып, жардам берем.
Укук коргоочу Рита Карасартова:
Мугалим балага кол көтөрүүгө укугу жок. Эгер мугалим жүйөөлүү себеп менен мыйзам чегинде урушса албетте угуп кою керек. Жөн эле угуу эмес, ошол сөздөн жыйынтык чыгара алсаңар анданда жакшы болот. Эгер мугалим кандай бир чектен чыгып жатса ата-энеңизге айтып, мектептин директоруна арыз жазып, далилсиз урушуп, кайра-кайра кыйкырып жатканын айтуу керек.