Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Сөйкө салган жигитим таштап кетти

Мен 8-классымдан баштап өзүмдүн айылымдагы бир бала менен сүйлөшүп баштадым. 2 жыл өткөндөн кийин сөйкө салып келишти. Андан бир жыл өткөндөн кийин айылда эмнегедир мен жөнүндө кайдагы эле башка бала менен сүйлөшөт, тиет экен деген сөздөр чыкты. Ал сөз жигитимдин туугандарына да жетиптир. Мен канча айтып ыйлаган менен ал мага ишенген жок. Экөөбүз бир жыл сүйлөшпөй калдык. Бир жылдын ичинде мен аябай кыйналдым. 1-курска тапшырып окуп баштагам. Окуума да көңүлүм жок болду. Ошентип быйыл экинчи курсмун. Жигитим кайра чалып баштады. Бирок сен ушундай кылгансың, сен минткенсиң деген сөздөрү калган жок. Ушул убакка чейин ар бир айткан сөзү ыйлатат. Анан бир жума мурун “мен сени жакшы көргөнүм үчүн эмес, сыйлаганым үчүн сүйлөшүп жатам. Үйлөнсөм да сыйлаганым үчүн үйлөнөм” деди. Эмне кылаарымды билбей калдым. Үй-бүлө болсо деле бул жагдай улана берчүдөй сезилип жатат. Мен бул нерсени ата-энеме дагы айта албайм. Алар сураса баары жакшы деп коём. Анткени мен өзүм тандагам. Апамдар каршы чыкканына болбой сөйкө салдыргам. Эми аларга эч нерсе дей албайм. Муну менден башка эч ким билбейт. Ичимден сызып улам ыйлап алам. Кыйналып кеттим аябай. Кимге эмне деп айтаарымды да билбей калдым. Менин мынчалык кыйналганымды апамдар билбейт.

Эксперттин жообу
20.02.2018, 16:44

Тамара Воронцова

Психолог

 

Жалган жалаа көптөгөн тагдырларды бузган, ал өтө жагымсыз көрүнүш. Сиздердин мамилеңиздерге тоскоол болууну каалагандар, атаандашыңыз, курбуларыңыз же болбосо жигитиңиздин тууган-туушкандары болушу мүмкүн. Мындайча айтканда себептери көп. Бирок баарынан маанилүүсү бул абалда жигит өзүн кандай көрсөттү. Ал сизден башка баарына ишенди. Кантип анан сизге ишенбеген, сүйбөөрүн ачык айткан адам менен жашооңузду байлагыңыз келет. Ага жолобой качыңыз, сүйлөшпөңүз дагы. Ал сизге бир жолу чыккынчылык кылды, андан кийин дагы сата берет. Эгерде сиз ал адам менен баш кошууну чечсеңиз, сиздин бактысыз турмушуңузду элестетип жатам. Айта кетүүчү нерсе, бул окуяны жараткандын берген сизге кеңеши, бактысыз тагдырдан сизди сактап калган аракети катары кабыл алыңыз. Сиз сөзсүз түрдө, сизди сыйлаган, сүйгөн адамга жолугасыз. Күнөөсү жок жерден айыпталган эмес, бактылуу, кубанычтуу болосуз. Ал жигитиңиз менен мамилени үзүп, жаныңыздагы энергетикалык орунду бошотуңуз. Чыккынчы адамдын айынан кайгырганыңызды токтотсоңуз, ал сиз үчүн кайгыра баштайт, ал эми сизге ал учурда баары бир болуп калат. Өзүңүз үчүн шайыр, бактылуу болуңуз. Жашооңуз сөзсүз түрдө өзгөрүлөт!

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт