Мен мурда зериккенимде же маанайым жок болуп калса ар кандай геометриялык фигураларды же болбосо жүрөкчөлөрдү, кичинекей адамдардын жүздөрүн чие берчүмүн. Ал эми азыр болсо эч нерсе чийгим келбей, зеригип, маанайым чөгүп кетсе баш аламан эле дептерлердин ичин боёп сала турган болуп калдым. Кантип бул адаттан арылсам болот?
Бермет Наралиева
психолог
Негизги көйгөй сенин зериккениң, бош убакыттын көптүгүнөн эч нерсе менен алектенбей ар нерсени чийип олтурганың. Эгер ушул олтурганың сени канааттандырбаса калемди таштап, ордуңдан туруп башка иш менен алектенгенге неге болбосун. Эгерде сенде калоо болсо кандай маселе болбосун оңой эле аны жолго сала аласың. Эң негизгиси каалоо керек.
Ал эми сүрөттөр аркылуу ошол сүрөт тарткан адамдын жан дүйнөсү тууралуу көп маалымат алса болот. Бул психологиялык интерпретацияны адис психологдор чечмелешет. Эгерде бул багытта өзүңдү таанууга аракет жасагың келсе сөзсүз мага кайрыл. Тематика боюнча сүрөт тартып өзүң жөнүндө малымат ала аласың.