Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Жалгыздык жаныма батты

Эчкимди жактырбайм! Эч кимге ишенбейм! Эч кимге сүйөнө албайм! Кантип бирөөгө көңүл койсом болот? Эмне кылаарымды билбейм.

Эксперттин жообу
20.02.2018, 11:41

Бермет Наралиева

психолог

 

Сенин эч кимди жактырбай, ишенбей, сүйөнө албаганың, эч кимге көңүл коюп жактыра билбегениң - сенин жалгыз экениңдин белгиси. Суроо боюнча сени бул абал канааттандырбай эмне кыларыңды билбей жол издеп жатасың.

Жол издеп өзгөрүүгө аракет жасаганың бул жакшы касиет. Эгерде бирөөлөрдү жактырып, башка бирөөлөргө ишеним менен жашаганды, дос күткөндү чындап кааласаң анын баарын иш жүзүнө ашырса болот. Ал үчүн сен бул маселелердин чоо-жайын түшүнүү менен эмне үчүн жалгыз экениңди билүү абзел.

Жалгыздык маселесине ой жүгүртүп көрөлүчү:

Сен жалгыз болбоо үчүн, тегерегиңдегилерге сын көз менен карап, алардын кемчиликтерин санап, ал кемчиликтерге асылып өзүңө, айланаңдагыларга жогорку талап койбогонуң оң. Бул жашоодо идеалдуу адам жокко эсе, сенин өзүңдө да толтура кемчилик бар болушу мүмкүн. Өзүңдүн кемчиликтериңди элес албай башка бирөөлөрдүн кемчилигине асылып олтуруп калуу жалгыздыкка алып келет. Андан көрө өз кемчиликтериңди аңдап маселенин чоо-жайын өзүңдөн издеп баштаганың өзгөрүүгө болгон чоң аракет, көйгөйлөрдөн арылууга багыт алган кадамың деп түшүнсө болот.

Кеңеш: Өзүңдү өстүрүү, пикир алышууну түшүнүп туура жолго салуу, талаш-тартыштарды адекваттуу кабыл алып, туура чечүү маселелерине көңүл бөлүү керек. Чөйрөңдү кеңейт, кызыгууларды көбөйт, пикир алышуу маселелери боюнча ондогон китептер бар ошол китептерден көп оку. Кыял жоругуңду, мүнөзүңдү оңдо. Заман талабына жараша өзгөрүүгө аракет жасап айлана чөйрөдөгүлөргө кызыгууну туудурууга аракет жаса. Көп китеп оку, көптөгөн тажрыйба топто, чөйрөнү кеңейтип өзгөрүүгө багыт ал. Бул маселелерди жалгыз өзүң чечүүгө мүмкүн эмес болсо психологдун консультациясына кайрыл!

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт