Мурдума пирсинг тактырсам болобу?

Зали

лор дарыгери 

Пирсингди төмөнкү учурларда тагууга тыюу салынган.

- 18 жашка чейинкилерге.

- Өнөкөт оорулар менен ооруса.

- Температурасы жогоруларга.

- Кан айлануусу начарларга.

- Лидокаиндик препараттарга жана металлга аллергиясы барларга.

- Канда алкогол жана баңги болсо.

Келечекте 18 жашка чыгып, пирсинг тактырып калсаңыз буларды эске алыңыз:

- Пирсингди кармаардан жана ага дары-дармек сүйкөөрдөн мурун колуңузду тазалап жууңуз.

- Жаңы тагылган пирсингге тийбеңиз.

- Спорт зал, баня, душ жана бассейн менен жылуу ваннаны колдонбой туруңуз.

- Кулагыңызга же бетиңизге пирсинг тактырсаңыз, айыкканча чачыңызды чогултуп жүрүңүз.

- Пирсинг тактырган жер бат сакайып кетиши үчүн йод, спирт, антибиотикалык маздарды колдонбоңуз. Алар жараны ырбатып жибериши мүмкүн.

- Пирсинг тактырган жериңиз толугу менен калыбына келгиче синтетикалык эмес, кездеме кийимдерди кийиңиз.