кабатырлансам эле тырмактарымды тиштегилеп жей баштайм, ушул адаттан кантип арылса болот?
кабатырлансам эле тырмактарымды тиштегилеп жей баштайм, ушул адаттан кантип арылса болот?
Владимир Манаковский
невролог
Тырмакты тиштөө - медицинада онихофагия дарты деп аталат. Бул адат бир нерсеге өтө катуу кабатырланганда, санааркаганда, стресстен, зериккенден улам пайда болуп, кээде тукум кууйт. Ичте болуп жаткан чыңалууну азайтуу максатында тырмактарын жей баштайт. Тырмакты тиштөө атайылап эмес, билбестиктен жасалат. Бара-бара көнүмүш адатка айланып, нерв ооруларынын бир түрү-обсцесивдик-компульсивдик бузулууга алып келет.
Алгач тырмакты тиштегилөө эмне себептен пайда болгондугун аныктоо керек. Келип чыккан жолун билүү менен бул адаттан толугу менен арыла аласыз. Тиштелген жерлерге инфекция кирип кетсе, коркунучтуу ооруларга жол ачылат. Кошумча нерселерди айта кетсек, тырмагыңызга кооз маникюр жасап койсоңуз тиштегиңиз келбей калат. Дарыканаларда атайын лактар, кремдер сатылат. Ошолорду колдонунуз. Алардын даамы өтө ачуу, кокустан оозго салып алса коргонуу рефлекси пайда болуп, адат ташталат.