// //
Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Жигитим кол көтөрөт

Саламатсызбы. 18 жаштамын, жигитим 22де. 2 жылдын бери сүйлөшөбүз. Акыркы убакта көп кызганчу болду. Кечээ болор-болбос нерседен улам бетиме чаап жиберди. Эртеси кечирим сурап, экинчи кайталанбайт деп убада берди. Ага ишенсем болобу? Эмне үчүн эркек аялга кол көтөрөт?

Эксперттин жообу
09.11.2018, 11:40

Гүлбарчын Жумабаева

Никелер жана зордук-зомбулук боюнча эксперт

Салам! Жигитиң эмитеден уруп жатса, андан нары аны менен бирге болуу маанилүүбү? Бир эле жолу берилчү өмүрдү кол кɵтɵргɵн, сыйлабаган адамга коротуу туурабы? Жылдар ɵтүп, ур-токмоктун айынан ɵзүңɵ же балдарыңа жардам бере албай калган абалга түшүп калуунун кереги барбы? Азыр ден-соолугуң чың, жаш кызсың, келечегиң алдыда. 

Аялга бир жолу кол кɵтɵргɵн эркек ɵмүр бою сабайт. Жыйынтыгында, таяк жей берип чүнчүп кетесиң, тамакка табитиң жоголот, иммунитетиң түшөт, психикаң жабыркайт. Ден-соолугуң начарлап, кайра-кайра оорусаң, бир -эки балалуу болгондон кийин таштап кетиши да мүмкүн.

Изилдɵɵлɵр көрсөткөндөй, Кыргызстандагы жалгыз аялдар колониясында отурган айымдардын 75 пайызы күйɵɵсүнүн токмогунан коргоном деп кокустан ɵлтүрүп алгандар.

Андыктан, азыртадан мындай жигит менен мамилеге чекит кой. Келечекте сени сүйгɵн, баркыңа жеткен сүйүктүү адамыңды табасың деген үмүттөмүн.

 

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт