Классташ кызым менен үч жылдан бери жакын достордонбуз. Бирок, мен аны катуу сүйөм. Кыз-жигит болуу сунушун киргизсем көңүлдөнбөйт. Бири-бирибизге мамилебиз абдан жакшы. Эмне үчүн мен “кыз-жигит бололу” десем макул болбойт?
// //
Классташ кызым менен үч жылдан бери жакын достордонбуз. Бирок, мен аны катуу сүйөм. Кыз-жигит болуу сунушун киргизсем көңүлдөнбөйт. Бири-бирибизге мамилебиз абдан жакшы. Эмне үчүн мен “кыз-жигит бололу” десем макул болбойт?
Гүлмира Молдокулова
Психолог
Кымбаттуум, кызга түз эле “мен сени сүйөм” деп айтканың туура эмес болуп калат. Башка сөздөр же мамиле менен билдир, анткени бул сөзгө кыз да даяр болбой сен күткөндөй жооп бербеши мүмкүн. Сүйүүңдү далилдөө үчүн өзүңдүн эркектик сапаттарыңды көргөзүп, кызды үйүнө чейин узатып, ыңгайы келсе анын сумкасын көтөрүп, башка тийишкен балдардан корго (албетте мушташуу жолу менен эмес). Кызга кылган өзгөчө мамилең көңүлүнөн орун табат. Жогорудагы сунуштарды аткарып жакшы көрөрүңдү нейтралдуу формада билдир, мисалы: “сен мага жагасың, сени менен мага убакыт өткөргөн кызыктуу, сени көпкө көрбөй калсам бир нерсени жоготкондой болом, улам-улам эсиме келип турасың” деп. Анан албетте кыз тарапта сага болгон сезим ойгонсо, жакшы жооп аласың. Ийгилик!