// //
Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Күйөөмдүн ойношунан баласы бар экен

Мен 37 жаштамын. Күйөөм менен жашаганыма 15 жыл болду. Ойношу пайда болгонго чейин урушуп-талашкан эмеспиз. Ортолорунда бир бала бар, күйөөм ага жардам берет. Өзүбүз болсо батирде турабыз, 4 балабыз бар. Балдарым деп гана чыдап жүрөм. Эмне кылсам болот, жардам бериңиздерчи.

Эксперттин жообу
17.07.2018, 11:59

Тамара Воронцова

Психолог

Урматтуу айым, биз, аялдар, кыянаттыкты саткындык деп кабыл алып, таарыныч, жек көрүү, сыйлабастык пайда болуп, күйөөбүздүн жүзүн көргүбүз келбей, көз ирмем сайын басынтылганыбызды эстей бергендиктен, аны менен жашоо кыйын болуп калат. Ортолорунда бала дагы бар экен, ал бала эми өмүр бою силердин жашооңорго кирип турат. Баса, аял никесиз төрөп алса, балким, ага бала керек болгондур, балким демилгени ал көтөргөндүр, эркектер табиятынын мындай нерселерге  каршы туруусу кыйын болот. Ошондой эле, никеде сиз жолдошуңузга эмнелерди бере алган жоксуз, сизден ага эмне жетпей жатты, ойлонуп көрүңүз - бул абдан маанилүү!

Эркек менен аял  үй-бүлө курбай туруп деле жашай алат экенин унутпашыбыз керек. Үй-бүлө балдар үчүн жаратылат!

Сиздин күйөөңүз ал аялды чындап эле сүйсө, анда ал ага кетмек. Эркекти  мындай учурда балдар менен дагы кармай албайсың. Күйөөңүз сизди  таштап кеткен жок,  бул жакшы! Өзүңүз аны эч качан кууп чыкпаңыз. Эркек ага жакшы болгон жерде жашайт. Ал кетип калса, бардык кыйынчылыктар сиздин мойнуңузга артылат, анан дагы ойношу экөө  чогуу жүргөнүн көрүп турасыз. Башка эркекти жолуктурасызбы же жокпу-бул башка суроо. Талкуулап көрүңүз: ал жакшы күйөөбү, жакшы атабы, ата-энеңизге сый-урмат көрсөтөбү, кыйын учурларда ишенимдүүбү, жана башкалар? Ооба болсо, анда ажырашпаңыздар. Кечирип жана таарынычтан арылууга психолог жардам берет, минтип жашоого болбойт.

Бардык диндер кечиримдүүлүккө бекеринен үйрөтпөйт. Муну менен биринчи кезекте, сиз ден-соолугуңузду жана балдарыңыздын бактылуу балалыгын сактап кала аласыз.

Үй-бүлөңүздөрдү камсыз кылууга аракет кылбаңыз, күйөөңүз сиздерди баксын, тиги балага дагы жардам берсин. Ушундай болуп калгандан кийин, көбүрөөк иштесин. Өзүңүзгө кам көрүңүз. Дагы  көптөгөн суроолорду чечүү керек, психологго барыңыз. Эгерде кетип калса - маселелер жана көйгөйлөр да көп болот! Баарын өзгөртүүгө мүмкүн! Азыр өзүңүз менен күрөшүү абдан маанилүү! Бактылуу болуңуз! Сиз бакытка татыктуусуз!

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт