Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Жашоого тойдум

Быйыл 10-классты аяктадым. Түшүмдө жүргөндөймүн, жашоом туман. Эч нерсеге кызыкпайм. Бала кезимде кичинекей нерсеге сүйүнүп, ар бир күнүм көңүлдүү өтчү. Азыр болсо жашоого тойгон адамдай жүрөм. Психологиям бузулганбы же оорубу? Жардам бериңиздерчи.  

Эксперттин жообу
A
Asel
12.07.2018, 10:38

Тынчтыкбек Бакытов

Психолог

Урматтуу окурман, сиз азыр өспүрүм убактасыз жана сиздин организмде көптөгөн өзгөрүүлөр болуп жатат. Өспүрүм убагында организмдеги гормондор активдүүлүк көрсөтүп сиздин маанайыңызга таасир этет. Эртең менен соонун маанай менен ойгонуп, чак түштө көңүлүңүз бузулуп, бирөө менен урушкуңуз келиши мүмкүн. Бул нерсенин баардыгы убактылуу.

Психологияңыз бузулду же ооруп калдыңыз деген нерседен алыспыз. Анткени ар бир адам жашоосунда ар кандай жагдайларга учурайт. Ошонун кесепетинен жашоого болгон кызыкчылыгы төмөндөшү ыктымал.

Ооба, туура айтасыз кичинекей кезде балдар кичинекей белекке кубанып, бактылуу болуп калышат, а чоңойгондо андай нерсеге көп деле маани бербейт. Балким сиздин келечегиңизге деген ой-толгоолоруңуз , кесип тандоого же кыз-жигит ортосундагы мамилеге тиешелүү чыгар.  

Тереңирээк сүйлөшүү үчүн психологго, үй-бүлөлүк дарыгерге же мектептеги социалдык педагогго кайрылыңыз. Ийгилик!

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт