Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Апам мени тарак менен башка чабат

Апам менен такыр тил табыша албайм. Апамдан коркуп турам. Оозго келбес жаман сөздөр менен урушат. Эсимде кичинекей кезимде тарак менен башыма чаап урчу. Азыр 27 жаштамын, 2 уулдун энесимин. Урушпасын деп, дагы да апама эч нерсе айта албайм. Жолдошум Москвада болгондуктан 4 жылдан бери балдарым менен апамдын жанындамын. Балдарым тентегирээк. Апам урушканда чыдабай каяша айта турган болдум. Нерв болсом колдорум калтырайт.  

Эксперттин жообу
A
Asel
11.07.2018, 11:17

Тынчтыкбек Бакытов

Психолог

Урматтуу окурман, башка адам менен тил табышуу үчүн, биринчиден сиз диалогго даяр болушуңуз керек. Сиздин кайрылууңузда бир нече көйгөйлөр айтылыптыр. Чындыгында бала кичинекей кезинде болгон терс нерселерди эсине тутуп калат. Тарак менен башка уруу бул туура эмес жана зомбулуктун бир түрү болуп эсептелинет. Ал нерсени унутуу үчүн апаңыз менен өзүнчө сүйлөшүп ал жөнүндө айтсаңыз жеңилдеп каласыз. Бирок ошол эле учурда апаңыз сүйлөшүүгө даяр болбосо анын кыжыры кайнап кайрадан урушка алып келиши ыктымал.

Сиз эне катары балдарыңыз үчүн күйүп ар дайым коргогонго даярсыз-бул нерсе энелик инстинкт деп аталат. Жубайыңыз алыста болуп, апаңыз менен тил табыша албаган үчүн сиз “нерв” болуп жатасыз. Азыркы учурда балдарды энеңиз менен бирге тарбиялап жаткан үчүн сиздер олтуруп алып, тарбиялоонун жалпы эрежелерин тандагыла.  Балким сизге нормалдуу болгон нерсе сиздин апаңызга жакпайт, ошол себептен ал неберелерин урушуп жаткандыр.

Колдоруңуз калтыраса сиз невролог/невропатологго же үй-бүлөлүк дарыгерге кайрылгаңыз туура болот.

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт