Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Ала качканда олтурбай койсо, турмушка чыкпай калабы?

Мени эки жолу ала качышкан. Экөөндө тең олтурбай кетип калдым. Эми болсо күйөөгө тийбей каламбы деп чочулап жатам.

Эксперттин жообу
A
Asel
11.07.2018, 10:10

Гүлбарчын Жумабаева

Никелер жана зомбулук боюнча эксперт

Урматтуу окурман!  Ала качып кетүү - бул кылмыш. Ала качкандарга Кылмыш-жаза кодексинин 155-беренесинде жаза жоопкерчилиги каралган. Ала качуу-бул эркиндикти чектеп, мажбурлап никеге тургузуу экенин билсеңиз керек. Биринчи түн зордуктоо менен коштолот. Статистикага ылайык, мындай тагдырга кабылган аялдардын көпчүлүгү ичиндеги өкүнүү менен жашайт, ажырашуу менен коштолот, балдары толук эмес үй-бүлөдө өсөт. Сиз болсо, мунун баарына жок дедиңиз, азаматсыз!  

Кетип калганыңыз үчүн өкүнбөңүз жана эми күйөөгө  тийбей каламынбы деп дагы ойлонбоңуз. Коркконуңуздун себеби, жүрүм-турумдун эски эрежелерине, жок нерселерге негизделген стереотиптерге баш ийип жатканыңызда. "Олтурбай кетип калса, күйөөгө тийбей калышы мүмкүн"-деген стереотиптик көз караш, сизге таасир берип жатат. Кыздардын көбү ушуга баш ийип, бактысыз болуп, жубайын эркин тандоо укугунан ажырап келишет. Эч өкүнбөңүз "мен бактылуу болом, өмүрдө мага чыныгы бакытты тартуулай турган таяныч, балдарыма мыкты ата боло турган түгөйүмдү сөзсүз жоолуктурам" деп ишениңиз. Балким ала качканда калып калсаңыз, өмүр бою бактысыз болуп калмаксыз.

Ар бир адам жубайын эркин тандоо укугу бар!

 

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт