Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир окурмандын катын жарыялайбыз. Эгер сизде дагы кызыктуу баян бар болсо, бизге жөнөтүңүз.
«Ким канча кыз менен сүйлөштү эле?» Достор менен жолукканда негизги темабыз ушул эле. Бир кыз менен жүрүп, кайра мамилени бузуп башкасы менен сүйлөшүп. Сүйлөшкөн кызың канчалык көп болсо, ошончолук абройлуу элең. Достор менен кадимкидей атандашат элек. Эх, жаштык.
Кезектеги сүйүү мамилеси. Сабактан чыгып экөөбүз жетелешип келатканбыз. Атам жолугуп калды. Тааныштырдым. Экөөбүздү кафеге алып кирди. Жакшы отурдук. Кечинде апама келин баласы жөнүндө айтып берди. Маани деле берген жокмун.
Атам экөөбүз короодо кыбырап жүргөнбүз. Сөздөн-сөз чыгып сүйгөн кызымды көрсөттүм. Атам таңкала карап койду. Унчуккан жок. Баягы келин баласы эмес болчу.
Сүйлөшкөн кызым болсо болду болчу. Жактырамбы же жокпу мааниге ээ эмес эле. Ичимден бир нерсе кыйнай берчү. Аны кийин түшүндүм.
«Карындашың дагы бирөнүн кезектеги сүйгөн кызы болсо керек, э?» Атамдын бул сөзү ачуумду келтирди. «Же кийин кызың» дегенде андан бетер ачуум келди.
— Ата, андай болбойт!
— Сен кайдан билесиң?
— Мен, мен…
— Уулум эркектин улуулугу эмнеде билесиңби? Бир аялды сүйүп, аны менен өмүр бою жашап кеткенинде. Бул абдан кыйын иш. Көпчүлүктүн колунан келбейт. Алсыздар толтура уулум. Бир аялды сүйүү ушунчалык оор, бирок чыныгы эркектин колунан келет. Менде деле толтура азгырыктар болгон. Мен сынган жокмун уулум. Апаңды сүйүү канчалык оор, ошол эле учурда сонун экенин билсең кана. Сен азыр жеңил, алсыз эркектин жолунда жүрөсүң. Аялды сыйлаш керек, сүйүш керек. Мына чыныгы мырза. А алсыздар санга маани берет, шылтоолорду айтат, «подкаблучник» дейт. Анткени алар алсыз уулум. Сен бир аялды сүйүп жашай аласыңбы? Жообуң «жок» болсо, эркек эмессиң деп эле айтам. Ушул нерсе колуңдан келбесе, башкасын жыргатпайсың.
Уялдым. Ушунчалык уялдым. Уялдым.
Бир аялды сүйүп жашай турган мырза болгум келет.
Башкы беттеги илюстративдүү сүрөт.
Бул жерден башка кызыктуу макалаларды окусаңыз болот:
Нике түндө күйөөм менин эмес апасынан койнунда уктады
Кайын энесине «апа» деп кайрылгысы келбеген кыздын баяны
