Косметолог-дерматолог Айнура Уизбаевада сулуулукту сактоо үчүн пайдалуу кеңештери менен бөлүштү.
Туура тамактануу. Туура тамактануу абдан маанилүү. Айталы, май азыктары боорду сезгентип, өтө ачуу тамактар ашказанды оорутуп, өткө күч келтирет. Жыйынтыгында органдарыбыз кыйналат, акыры барып жүзүбүзгө терс таасирин тийгизет. Бетибизге бүдүрчөлөр чыгып, сезгенип, шишийт. Шишиктин аягы бырышка алып келет.
Көп суу ичүү. Күнүнө жок дегенде бир жарым литрден кем эмес таза суу ичип туруу керек. Ичкенде дагы баарын бир заматта эмес, аз-аздан ичүү сунушталат. Суу организмди шлактардан тазалайт, денени нымдандырат.
Спорт менен машыгуу. Азыр көбү отуруп иштейт. Мунун кесепети омурткаларыбызга тиет. Ошон үчүн жумасына 2-3 жолу машыгып туруу керек. Омурткабыз бекемделип, кан айлануу жакшырат.
Газдалган суусундуктан алыс болуу. Эч качан пепси жана кола деген суусундуктарды ичпегиле. Себеби алардын курамында кант абдан көп. Кантты көп колдонуу бат картаюуга себеп болот. Бетке безетки, майда бүдүрчөлөр чыгат.
Ун азыктарын азыраак пайдалануу. Ун азыктарынан жасалган тамактар иче-карын аппаратынын ишин төмөндөтөт. Жыйынтыгында бетибиз майланышат, сезгенет. Эң жаманы тез карыйбыз.
