Психологдордун көзү ачык болобу? Психологго 10 кызыктай суроо

Bilesinbi.kg психолог Нуриза Батырбековага депрессия, стресс, анонимдүүлүк, өзүңө-өзүң жардам берүү жөнүндө кызыктай суроолорду берип, акылдуу жоопторду алды.

Психологго нормалдуу эмес адамдар эле кайрылабы?

Ар кандай адамдар кайрылат. Негизинен психологдор диагнозу жоктор менен иштейт. Ал эми нормалдуу эмес адамдарды дарылоо психиатрлар жана психотерапевттердин жумушу.

Психологдун сезону кайсы айлары жакшы болот?

Сезондук депрессия деген нерсе бар. Ошол учурда бейтаптар көп кайрылат. Бизде сентябрда сезон болду айтсам болот. Анткени балдар мектепке барганда ата-энелер стресс болуп психологдорго кайрылышат.

Психолог өзүн-өзү дарылайбы?

Албетте, дарылайт. Адамдар менен иш алып барардын мурун эң биринчи өзүбүздүн терапияны өтөбүз. Эгер өзүбүздүн таракандарды дарылабасак, башкаларга жардам берүү кыйын болуп калат.

Психолог психологго барабы?

Барат. Ар кандай кыйын кейстер болгондо же чарчап калганда өзүбүз деле психологго кайрылабыз.

Психолог адамды бир көрүп кандай экенин айта алабы?

Адамдын бир көрүп, мындайча айтканда келбетинен көп нерсени билүү мүмкүн эмес. Сүйлөгөндө же кыймыл-аракет жасаганда гана мүнөзү, ойлору жөнүндө маалымат алсак болот.

Психолог айына канча табат?

Жумушуңду так аткарсаң, сүйсөң, жакшы табасың.

Психолог чындап эле угабы же угумуш болуп отура береби?

Уккан бул биздин жумушубуз. Угабыз, кабатыр болбогула.

Психологго кайрылуу керек экенин кантип түшүнсөң болот?

Ар бир адам өзү менен байланышта болот. Эгер кыйынчылыкты жеңүүгө күчү жетпегенин билсе, психологго кайрылуу керек. Мисалы, тишибиз ооруса өзүбүз жулбайбыз, жан дүйнөбүз дагы ошондой. Адистерге кайрылган туура болот.

Психолог сыр сактай алабы?

Бизде купуялуулук деген эреже бар. Сырды сыртка чыгарганга укугубуз жок. Кээде зордук-зомбулук болгондо же бейтаптын жашоосуна коркунуч пайда болгондо эрежени бузганга мажбурбуз.