Казахстандык Akhter Studio компаниясында бэкенд-разработчик болуп иштеген мекендешибиз Кайрат Омурбек уулу менен түз эфир аркылуу маектешип, окурмандар суроолоруна жооп алып бердик. Маектин урунтуу учурларын төмөндөй окуй аласыз, ал эми эфир толугу менен инстаграм баракчабызда.
— Тилекке каршы, кыргыз тилинде маалымат аз. Андыктан, жок дегенде орус же англис тилин билишиңиз керек. Анткени, IT тармакты бул тилдерсиз үйрөнүү бир аз кыйынга турат.
— Жашоодо сыйкырдуу таблетке жок. Баарын жасап көрүшүңүз керек. Ошондо сизге кандай жумуш жагарын табасыз. Ал эми сүйүктүү жумушуң менен алектенүү бул өзүнчө бакыт.
— Көп ойлонуунун кереги жок. Алып туруп, жасап сал. Сен ойлонгуча, сен теңдүүлөр аракет кылып, бир нерсеге жетишип жатышат. Ал эми алардан сенин эч нерсең кем эмес. Өзүңдү басынтпа.
— Чынында программист болгуң келсе сабырдуу бол. Бат эч нерсе болбойт. Аракет кыла бериш керек.
— IT тармакты бир оор бир нерсе катары көрсөтүшөт. Андай эмес. Токтобой үйрөнө бериш керек. Болду, баары оңой.
— Бул тармакта бат жыйынтыкка жетем десеңиз ментор табыңыз.
— Кыйынчылыктар толтура болот. Буга даяр болгула.
— Заматта көп акча таап баштабайсыз, муну дароо айтып коеюн. Тажрыйба топтоп, жаңы деңгээлге чыкканга чейин убакыт керек.
Бул жерден башка кызыктуу макалаларды окусаңыз болот:
Суроо бергенден коркпош керек! Google’да иштеген Нурбек Акпаралиевден кеңеш
Швейцарияда окуп жаткан мекендешибиз мотивациялык кат жазуу боюнча айтып берди
Математиканы билбей туруп программист боло аласың! Данияр Асановдон кеңеш
