Кыргызстандык Тимур Кульбаев 2016-жылы Хельсинки шаарында Америка, Европа жана Азиядан келген мобилдик колдонмолор үчүн маркетингдик кызматтарды көрсөткөн жарнама агенттигин ачкан. Анын компаниясы эки жыл ичинде 2 миллион доллардан ашуун киреше тапкан.
«2015-жылы бир америкалык стартаптын чакыруусу менен Хельсинки шаарына келдим. Келгениме төрт күн өткөндөн кийин, компания фин кеңсесин жаап, мени кошуп бардык кызматкерлерди кыскартып койду. Ошондо бизнес кура турган учур келди деп чечтим. Эки жылдан кийин биздин компания эки миллион доллардан ашуун киреше тапты.»
Бизнесмен ийгилик сырын Bilesinbi.kg’нин окурмандары менен бөлүштү.
- Бизнести адамдар кылат, өзүңдү канчалык такшалтып тажрыйба топтосоң, бизнесиң ошончолук ийгиликтүү болот.
- Ийгилик рецепти:
- Кыйынчылыктын аркасында жакшылык күтүп турат.
- Сатуу жана ынандыруу. Бул жөндөм кынтыксыз курч болуш керек.
- Ар дайым жаңы нерсени үйрөн. Бирок эмнени үйрөнүп жатканыңды түшүн.
- Башкага алаксыбай көздөгөн максатыңа багыт алганды бил.
- Приоритеттерди туура кой.
- Бизнесмен болгуң келсе төмөнкү суроолорго жооп бер:
- Азыр киммин жана ким болгум келет?
- Өзүм каалагандай жашаш үчүн кандай жөндөмдөргө ээ болушум керек?
- Кайсы тармакта иштегим келет?
- Ким болуп иштегим келет?
- Кантип иштегим келет?
- Бизнес түзүү кыйын эмес, эң башкысы жараткан нерсеңди уратып албоо!
- Ийгиликтин сыры жөнөкөй: жасаган ишиңди сүйүү.
- Кайсы нерсени акча төлөбөсө дагы бекер кылууга даяр болсоң, ошону жаса!
- Максатыңа алып барчу нерсеге фокус карма!
Бул жерден башка кызыктуу макалаларды окусаңыз болот:
Суроо бергенден коркпош керек! Google’да иштеген Нурбек Акпаралиевден кеңеш
Швейцарияда окуп жаткан мекендешибиз мотивациялык кат жазуу боюнча айтып берди
Математиканы билбей туруп программист боло аласың! Данияр Асановдон кеңеш
