Саламатсызбы. Канча жаштан баштап жыныстык катнашка барса болот?
Bilesinnbi.kg сайтынын редакциясына ушундай суроо келип түштү. Ага жооп алуу үчүн сексолог Наталья Ивахникке кайрылдык.
Адам өзү эле сексуалдуу жан
Ал ар дайым рахат алууга умутулуп келген. Көпчүлүк кичинекей кезинде эле жыныстык органдарын кармалап, бул нерсе жагымдуу экенин түшүнүшөт. Өспүрүм куракта сексуалдык кызыгуу, сексуалдык фантазиялар пайда боло баштайт. Бул нормалдуу көрүнүш жана сексуалдык өнүгүүнүн этаптары болуп саналат.
Физикалык жактан даяр, психологиялык жактан даяр эмес
Физиологиялык жетилүү 12 жаштан башталат. Бул учурда гормондор оргуштап, денесине түк өсөт, эркек балдарда түнкү поллюциялар пайда болот, кыздардын төшү өсүп, этек кири келе башайт. Физикалык жактан өспүрүм бала жыныстык катнашка даяр көрүнгөнү менен психологиялык жактан жетиле элек.
Психологиялык жактан жыныстык катнашка адам 18 жашка чыкканда даяр болот.
Кыргыз Республикасынын мыйзамында 18 жашка чыга элек өспүрүм менен жыныстык катнашка барса, жашы жетиле элек бала менен секске баруу беренеси боюнча жоопко тартылат.
Эгер 18ге толо элек өспүрүм курактагы уулуңуз же кызыңыз болсо сөзсүз жыныстык жыл аркылуу жугуучу оорулар тууралуу жана мөөнөтүнөн эрте кош бойлуулук жөнүндө айтып бериңиз.
Өспүрүм балдар үчун дагы бир маанилүү эскертүү!
Убакыттын өтүшү менен сексуалдык кыялданууларды реалдуу өнөктөш менен ишке ашырууну каалайт. Бири-бирин жактырып, сүйлөшүп жүргөн кыз-жигит бар дейли. Алардын бири 16 бири 17 жашта. Бир канча убакыттан бери экөөнүн тең каалоосу жана макулдугу менен жыныстык катнашка барып жүрүшөт, кош бойлуулуктан жана жыныстык ооруларды жугузуудан коргоочу каражаттарды колдонушат.
Бирок экөөнүн бири 18ге толгондо накта көйгөй башталышы мүмкүн. Себеби 18ге толгон адамга жашы жете элек 17 жаштагы өнөктөшү менен жыныстык катнашка барды, деген күнөө коюлушу мүмкүн.
Канча жашта болбоңуз секс эки тараптын макулдугу менен болууга тийиш
Психологиялык жактан жетилгенден кийин секске баруу кийинки жыныстык катнаш тууралуу түшүнүккө толугу менен таасирин тийгизет.
Себеби сексуалдык травма алган киши узак убакытка чейин психологиялык жактан жабыркайт.
Айрымдар жөн гана эмоцияоналдык жакындыкты каалоо, кучакташуу, өбүшүүнү сексти каалап жатам деп адаштырышат. Же болбосо, эркек балдар теңтуштарынын арасында “крутой” көрүнгүсү келет. Ал эми кыздар жигитине жок, деп айтуудан тартынып, же анын көңүлүн калтырып, таарынтып албайын деген ой менен кошулууга макул болушат.
Өспүрүм балдардын психикасы жетишээрлик деңгээлде жетиле элек. Секске өзүң чынында даяр болуп, анын кооптуу жактарын эске алып, өзүңдүн-журум-турумуңа толугу менен жооп берүүгө даяр болгондо гана баруу керек.
Эң негизгиси, ден соолукка сак болуу жана башка бирөөнүн каалоосу менен эмес, чындап өзүңдүн каалооң жана эркиң менен баруу!
Сексолог Наталья Ивахник менен инстаграмдагы @pro0kosmos баракчасы аркылуу байланышсаңыз болот.
Башкы беттеги сүрөт интернеттен алынды.
