Bilesinbi.kg окурмандарынын студенттик күндөрүндөгү күлкүлүү окуялары менен бөлүшүүнү чечти. Эгер сизде дагы эсиңизде калган позитивдүү окуя бар болсо, бизге жөнөтүңүз.
«Мосттон» токтоп коюңуз
Кыштын күнү болчу. Таң эрте сабакка жөнөдүм. 107 деген марштуркага отурам деп, 127ге отуруп алыпмын. Карасам башка жакка бурулуп кетип баратат. “Мосттун” үстүнө жеткенде токтоңуз дептирмин. Айдоочу байке, “бул жерде эмне кыласың, эч нерсе жок”,- деди. “Ишим бар”,- деп түшүп кеттим. Маршрутканын ичиндегилер күлүп жиберишти. eliza.samat.k
Жаман башчы
Бир жолу агай «силер аябай жалкоосуңар, окубайсыңар, бири-бириңерди колдобойсуңар»,- деп жатпайбы. Анан «кыргызда, башчысы кандай болсо, эли да ошондой болот деген сөз бар»,- десем, кызарып калганча эзилип күлгөн. bermetka__k
Англисче ыр
Англис тили кафедрасы «Thanks giving Day» өткөрүшө турган болуп, мага англисче ырдап бересиң деп тапшырма беришкен. 3-4 күн жаттап, кайталап даярданып отуруп ошо күн келди. “Please for give me” деген ыр болчу. Сахнага чыгып ырдап атып, биринчи куплеттен кийин текстин эстей албай калып өлө айландыргам аралыштырып. Же ыр бүтпөйт, жарымында ийилип чыгып кеттим. mamashov_bk
Уйкучу дос
Лекциянын аягында мугалим баштан өткөн окуяларын айтып берип жаткан. 3-4 парта ары отурган группалаш дос уктап калыптыр. Тыныгууну күтүп калдык. Мугалим окуясын айтып бүтүп столдогуларын салыштырып баштаганда, тынч аудиториядан «дыыырррт» деди го, баары жарылды. Алдыдагылар аркасын карашып келгенде байкуш чочуп ойгонуп кетти. Мугалим дагы “боло берет”,- деп кошо күлгөн. muz4you
«Переспала»
Шаарга биринчи жолу барып жаңы окууга тапшыргам. Бир ай тынбай сабакты калтырбадым. Анан сентябрдын акыркы жумасында уктап калып барбай калдым. Кийин биринчи күнү “эмне деп айтам”,- деп коркуп жатам. Бирөөдөн уккам “проспала”,- деш керек экенин. Анан мен аны “переспала”,-деп айтып алгам. Аудиториядагы 30 студент бүт мени карайт го, “нб” кылган эже таң калып караган. bektemirova__a_
Төрт тентек
Студентик кезде сонун күндөр өткөн. Жатаканада жашачубуз, 4 кыз бир бөлмөдө. Биринчи курс элек, аябай эле тентек экенбиз азыр эстесем. Окууга алыстан келгенибизге байланыштуу, тамак аштан кыйналчубуз. Бөлмөдөгү кыздар менен эмне кылаарыбызды билбей, ашканага барып чоң курстардын тамактарына туз, сахар анан пиязды кеспей салып кетип калат элек. Анан айнекти ачып тазиктеп суу чачканбыз, көчөдөгүлөргө, ал сууну дагы студенттик кеңештин мүчөлөрүнө чачыппыз. Бөлмөбүзгө келип төртөөбүздү аябай урушкан. Ал аз келгенсип ак баракка “бул комнатада коендор жашайт” сыяктуу жана башка жаныбарларды жазып, ар бир бөлмөгө чаптап чыгат элек. Ойлосом сонун эле күндөр өткөн. Он 18 жыл болуптур. Сагындым студентик күндөрдү, сүйүүнү. Эх…. samakadyrova
Май баштар
Завучубуз Султан деген агай эле ,жакшы окуган кыздарды сүрөткө түшүрүп тактага илишмек «үлгүлүү окуучу «деп. Кыздар ал күнү таранып, боенуп келсек агай жок, эртеси фотограф жок, үчүнчү күнү саксайып келсек азыр түшмөй болуп калдык. Кыздар “биз бүгүн башыбызды жууган жокпуз”,- деп агай менен урушканда, “май баштар, кундө эле жууп келбейсиңерби” дегенин азыркыга чейин эстеп күлө берем. nurperishka_98
Катуу ооруган кыз
Менин студенттик күндөрүмдүн биринде биринчи парга кеч баргам. Ал убакта мугалимибиз келбей, сабакка башка эле практикант агайды жибериптир. Ал сабак өтөр алдын ким келди, ким келбеди белгилеп жатыптыр. Анан группалаштарым мага «нб» койдурбаш үчүн, «агай, ал катуу ооруп калыптыр» дешиптир. Мен 30 мүнөт кечиккеним аз келгенсип, жаш агайды көзгө илбей кирип баратсам группанын баары күлүштү. «Саламатсызбы»,- деп, төргө отуруп алдым. «Бул кыз ким? Сен адашып калбадыңбы?» деди. Аты-жөнүмдү айтсам, «сени аябай катуу ооруп жатат дешпеди беле» дейт. Анан сөз таппай калсам, доскага чыгарып алып кечке эсеп чыгарткан. Ошол параны мен жыйынтыктадым го чиркин. jashoo_bul_synoo_
Тоналка
Мен студент кезде, окуганча ТВда эртең мененки кутман таңды алып барчумун, Ошто. Эфирден чыгып биринчи паранын жарымына кирип барчумун. Маршрутта элдин баары караса ойлопмун “ТВга чыккан бала”,-деп карап жатышат депчи. Парага кирип барсам эле эжеке, “ии, саарлап жасанып боюнуп, тоналканы азырак койсоң боло, билинип калыптыр”,- деп эсти оодарган. Көрсө гримди өчүргөндү унутуп калган экенмин. eldosum_kg
Шпаргалка
Эх, ошол күндөр. Жайкы сессия. Экзаменге кирдик, алдын ала шпаргалка жазганбыз. Өллө гармошка кылып. Бир кызыбыз отурду билет алып, аудитория ысык. Айнектер ачык эле, бир маалда “пыррр” этип эле бир нерсе болду. Баарыбыз карасак баягы кызыбыз шпаргалкасын карап жатып учуп кетсе болобу. Агай болуп алып күлдүк. arsn2016
10 сом
Бир күнү курсагым ачып, болгон акчама тамактанып алдым. Пара бүткөндөн кийин, 40 студенттин биринен он сом сурап үйгө кетип калам деп ойлогом. Пара бүттү. Мен акча сураганды унутуп коюп кетип баратыпмын. Группалаштарымды издеп баштадым. Эч ким жок. Ары-бери бассам дагы тааныш чыкпайт. Анан бир группалашымды көрүп калып чуркадым. Эртең берем деп он сом сурасам, жыйырма сому бар экен. Он сомун мага бермей болуп, акчаны майдалатканы дүкөнгө бардык. Жол боюнда стол коюп чупа-чупс, тамеки сыяктуу айда-чүйдө саткан эжеге барсак, “майда жок “ десе, тиги группалашым, “анда монет кылып бериңизчи” деп коет. urai1595
Башкы беттеги сүрөт интернеттен алынды.
Бул жерден “Шымыңа сийип алгыча ичипсиң, абайлабайсыңбы!”, — деп күйөөсүн урушкан келиндин, жана башка окурмандарыбыздын күлкүлүү окуяларды окусаңыз болот.
Лошади, бараны, коровы и маленькие коровы. Мигранттардын кызыктуу эскерүүлөрү.
