Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир окурмандын катын жарыялайбыз. Эгер сизде дагы кызыктуу баян бар болсо, бизге жөнөтүңүз.
Салам, Билесиңбикж, сага бир арманымды айтып алайын дедим. Балким, менин баяным башка бирөөгө сабак болор, же көзүн ачар.
Менин катам күйөөмө сүңгүп кирип кеткенимде болуптур. Баары окуумду таштагандан башталыптыр. Мен болгону жакшы жубай болгум келген. Аттиң, менин бул аракетим эч кимге кереги жок болчу экен.
«Мен сенден сурандым беле?» Күйөөмдүн бул сөзү тилимди бууду. Ал менден суранган эмес, ал мага талап койгон. Талаптарын аткарган мен жакпай койдум. Башка таап алды.
Жок, таап албаптыр, башкасы бар болчу экен. Болгону мен билбептирмин. Күн сайын көйнөгүн үтүктөп, ага даярдап жөнөтчү экем. Күйөөмдү күнөөлөбөйм. Баары өзүмдө. Мен өзүмдү акыркы орунга коюп койгом.
— Ал сени «сүйөм» деди. Болгону сөз айтты. Сөз эч нерсеге турбайт. Бүгүн айтылат, эртең унутулат. Мен сага сөз айтпадым. Мен сага баарын далилдеп бердим. Мен сени сүйбөсөм ушунча жыл жаныңда болбойт элем. Акчаң жок күндөрү сени менен ачка болбойт элем. Үй-бүлөмдү таштап, сеникине кызмат кылбайт элем. Алдына түшсөм дагы жактырбаган апаңды сыйлабайт элем. Мен сага ишенгем. Бирок, сенин күнөөң жок. Сен кандай болсоң ошондойсуң. Болгону мен сени башкача ойлоп алгам. Балдарымдын атасы бойдон каласың. Бирок, экинчи ирет күйөөм атала албайсың.
Күйөөм кетем деп оолугуп жаткан. Кеткен жок. Кечирим сурады. Кечирдим. Бирок мен кеттим. Ушунча жыл тепселенген баркымды көтөргөнү кеттим. Өзүңөрдү эч качан бирөөгө байлабагыла. Аягы баары бир жакшылык менен бүтпөйт. Анан адамдар өзгөрбөйт.
Башкы беттеги илюстративдүү сүрөт.
Бул жерден башка кызыктуу макалаларды окусаңыз болот:
Жигитим экөөбүз гинекологго текшерилгени кирсек дарыгер жашып жиберди
