Аялдардын жыныс мүчөсү жөнүндө ойдон чыгарылган мифтер көп. Эң популярдуусу – ар бир кызда кыздык белги болот. Акушер-гинеколог Гүлзина Мадраимова айрымдарын жокко чыгарып берди.
Миф №1
Жума күнү төрөлгөн кыздан биринчи жыныстык катнашта кан чыкпайт.
Чындык: Кыздан биринчи жыныстык катнашта кан чыгабы же жокпу кыздык белгинин формасынан көз каранды.
Миф №2
Кыз турмушка чыкканга чейин жыныс мүчөсүндөгү түктөргө тийбеши керек, кыздык белгиге доо кетет.
Чындык: Жыныс мүчөдөгү түктөрдүн кыздыкка эч кандай тиешеси жок. Өстүрүп жүрөбү же алып салабы ар бир кыздын өз эрки.
Миф №3
Кыз кишинин эриндери чоң болсо, жыныс мүчөсүнүн эриндери да жоон болот.
Чындык: Ооздун эриндери менен жыныс мүчөнүн эриндери ортосунда эч кандай байланыш жок.
Миф №4
Аялдын жыныстык өнөктөшү көп болсо, жыныс кыны чоюлуп калат.
Чындык: Бул жөн гана жомок. Жыныстык өнөктөшдүн саны жыныс кынынын өлчөмүн өзгөртпөйт.
Миф №5
Аялда бир эле жатын бар.
Чындык: Айрым аялдардын эки жатыны болот. Бул патология, төрөткө таасир бериши мүмкүн.
Миф №6
Аялдардын жатынынын өлчөмү бирдей.
Чындык: Ар бир аялдын жатынынын өлчөмү өзүнүн муштуму менен тең.
Миф №7
Төрөттөн кийин жыныс кыны түбөлүккө чоюлуп калат.
Чындык: Ооба, төрөттөн кийин жыныс кыны чоюлат. Бирок убакыттын өтүшү менен булчуңдары кыскарып, мурунку абалына кайтып келет. Бул табигый процесс.
