Жол кирени «Тулпар» картасы аркылуу кантип төлөө керек?

Учурда Бишкек шаарынын троллейбус жана автобустарын электрондук билеттештирүү системасына өткөрүү үчүн активдуу даярдыктар көрүлүп жатат. Тестирлөө мөөнөтү аяктаган соң, 2020-жылдын жаз айынан тарта жол кире жалгыз гана ушул карталар аркылуу төлөнөт. 

«Тулпар» картасынын баасы — 50 сом.

Карталарды Beeline’дын төмөндөгү сатуу жана тейлөө кеңселеринен алсаңыз болот:

• «ЦУМ» 
• «ГУМ»
• «Beta Stores 2»
• «ORDA» («Дордой Plaza» жанында)
• «Vefa» 
• «Азия Молл» 
• «Бишкек Парк» 
• «Дордой» базары.

Жол кирени «Тулпар» картасы аркылуу кантип төлөө керек?

1. Картанын эсебин Balance.kg тиркемеси же Beeline кеңселеринде жайгашкан терминалдар аркылуу толуктаңыз.
2. Жол кирени төлөө үчүн картаны айдоочунун жанында орнотулган валидаторго такаңыз.

«Тулпар» картасын Balance.kg тиркемеси аркылуу толуктоо үчүн:

1.  «Тулпар» картасынын арткы бетинде басылган QR-кодду Balance.kg аркылуу сканерлеңиз.
2. Толуктоо суммасын киргизиңиз.
3. Төлөңүз.