Medcenter.kg медицина борборунун акушер-гинекологу Нургазы Джанузаков жатындын түшүшү тууралуу Bilesinbi.kg’ге айтып берди.
Жатындын түшүшү – жатындын туура эмес жайгашуусу болуп саналат. Бул жатындын жана көтөн чучук булчуңдарынын начарлашы, тактап айтканда бошоп калуусу менен байланыштуу. Адатта, жатындын түшүшү төрөттөн кийин же менопауза учурунда пайда болушу мүмкүн.
Себептери:
- Төрөт учурунда жаракат алуу;
- Чоң салмакта бала төрөө;
- Эстрогендердин жетишсиздиги;
- Оор нерселерди көтөрүү;
- Тутумдаштыргыч ткандардын оорусу;
- Көп төрөт;
- Ашыкча салмактуулук ж.б.
Белгилери:
- Ичтин ылдый жагы жана белдин оорусу;
- Жыныстык катнаш учурундагы ыңгайсыздык жана оорутуу;
- Кан аралаш суюктун бөлүнүп чыгуусу;
- Менструациянын бузулуусу;
- Этек кирдин оорутуп келүүсү;
- Жыныс кынында жат бир зат жүргөндөй сезилүүсү;
- Заараны кармай албай калуу, баттан заара кылуу же кыла албай кыйналуу;
- Жыныс мүчөдөн жел чыгуу;
- Ич катуу ж.б.
Диагностикасы:
- Анализ тапшыруу;
- Кольпоскопия;
- Гистеросальпингоскопия;
- УЗИ ж.б.
Дарылоо:
Операциянын ар кандай түрлөрү бар. Көп учурда лапароскопиялык промонтофиксация методу колдонулат. Дарылоо индивидуалдуу, оорунун даражасына жараша жүргүзүлөт.
