Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет жаш келиндин катын жарыялайбыз. Эгер сизде дагы кызыктуу баян бар болсо, бизге жөнөтүңүз.
Бул окуя былтыр болгон. Азыр мандарин жууп жатып эсиме келип кетти. Силер менен бөлүшүп коюну чечтим.
Өткөн жыл бир топ кыйын болду. Дүкөнүбүз өрттөндү, уулум менен келиним жол кырсыгына учурады. Анан ажырашып кетишти. Неберем эле кыйналды.
Уулум келиним кеткенден бери ойлуу. Жүдөп да кетти. Достору менен көп жолугуп иче турган адат тапты. Барып кечирим сурап кел десек болбойт. Эмне болгонун билбейм. Эч качан экөөнүн ортосуна аралашкан эмесмин. Аралашпайм дагы. Неберемди сагындым.
Күйөөм да башкача. Колунан телефон түшпөйт. Мен кире калсам сүйлөшүп жаткан жеринен өчүрө калат. Карыганда бирөөнү таптыбы деп ойлой баштадым.
Жаңы жыл. Маанай жок. Күйөөм дагы кечикти. Уулум кино көрүп отурат. Дасторконду толтура кылып даярдагам. Бирок, маанай жок болсо, тамактар деле калып калат экен.
Күйөөм Аяз кызды ээрчитип кирип келди. Мына сага… Баарыбыз карап туруп калдык. Бир маалда неберем чуркап кирди. «Чоң апа!» Садагаң болоюндар, келиним тура… Уулум экөө кучакташып калышты. Мына сага жаңы жыл.
Көрсө, күйөөм келини менен сүйлөшүп, уулумдун бүлөсүн сактап калган тура.
Бул жерден башка кызыктуу макалаларды окусаңыз болот:
Кудагыйыма “кызымды көлөкөгө баккам” десем, “мен деле күн көрсөтпөйм” деди
Күйөөмдүн кандай жол менен акча таап келгенин угуп боорум эзилди
Күйөөмдүн жалаяк жууп жатканын угуп аябай таң калдым
Үч баласы бар аялга үйлөнгөнүмө эч качан өкүнбөйм
